جموں و کشمیر میں اب 5 سرکاری زبانیں ہوں گی

مرکزی کابینہ نے پارلیمنٹ میں 'جموں و کشمیر آفیشل لینگویج بل 2020' کو پیش کرنے کی منظوری دے دی ہے۔ اس کے تحت 5 زبانیں اردو، کشمیری، ڈوگری، ہندی اور انگریزی سرکاری زبانیں ہوں گی۔

مرکزی وزیر پرکاش جاوڈیکر نے بتایا کہ 'عوامی مطالبہ کو مد نظر رکھتے ہوئے یہ فیصلہ لیا گیا ہے۔'

انہوں نے بتایا کہ 'مرکزی کابینہ نے پارلیمنٹ میں 'جموں و کشمیر آفیشل لینگویج بل 2020' کو پیش کرنے کی منظوری دے دی ہے، جس کے تحت جموں و کشمیر میں 5 سرکاری زبانیں ہوں گی جس میں اردو، کشمیری، ڈوگری، ہندی اور انگریزی زبانیں شامل ہیں۔

واضح رہے کہ جموں و کشمیر کی سرکاری زبان اردو ہے۔