سرینگر: آتشزدگی میں رہائشی مکان خاکستر

سرینگر کے بٹہ مالو علاقے میں آتشزدگی کی واردات میں ایک رہائشی مکان خاکستر ہو گیا۔ تاہم کسی جانی نقصان کی کوئی اطلاع نہیں ہے۔

سرینگر کے بنپورہ، بٹہ مالو میں ایک رہائشی مکان سے آگ نمودار ہوئی جس کے بعد پولیس، فائر اینڈ ایمرجنسی عملہ اور مقامی رضاکاروں نے آگ کو مزید پھیلنے سے روکا۔ تاہم دو منزلہ رہائشی مکان کو کافی نقصان پہنچا۔

اس حادثے میں کسی جانی نقصان کی کوئی اطلاع نہیں ہے۔

آگ لگنے کی وجوہات کا فوری طور پر پتہ نہ چل سکا۔ تاہم اس ضمن میں پولیس نے معاملہ درج کر کے مزید کارروائی شروع کر دی ہے۔