سرینگر: شدید برفباری سے مکانات منہدم

مرکز کے زیر انتظام علاقہ جموں و کشمیر میں ان دنوں برفباری کا سلسلہ جاری ہے، اس وجہ سے عام زندگی مفلوج ہو کر رہ گئی ہے۔

وادی کشمیر میں جہاں عام زندگی متاثر ہوئی ہے، وہیں عوام کو مختلف قسم کے نقصانات کا بھی سامنا کرنا پڑ رہا ہے۔

جموں و کشمیر کے دارالحکومت سرینگر میں شدید برفباری کے دوران دو مکانات کے منہدم ہونے کا ویڈیو آج سوشل میڈیا پر وائرل ہوا ہے۔

پہلا ویڈیو سرینگر کے بائی پاس ٹینگہ کی دو منزلہ عمارت کا ہے جبکہ دوسرا ویڈیو سرینگر کے جواہر نگر کی تین منزلہ عمارت کا ہے۔

یہ دونوں مکانات برف کے وزن کو برداشت نہ کرسکے اور ٹوٹ کر زمین بوس ہوگئے۔

ان مکانات کے منہدم ہونے کے دوران کسی بھی شخص کے ہلاک یا زخمی ہونے کی اطلاع نہیں ہے۔

اس طرح کی متعدد ویڈیوز جنوبی و شمالی کشمیر سے موصول ہو رہی ہیں، جہاں مکانات گرنے کی اطلاعات ہیں۔