شہر سرینگر میں یومیہ بنیاد پر پانچ سو میٹرک ٹن کوڑا کرکٹ نکلتا ہے جس میں دو سے ڈھائی سو نان ڈیگریڈبل اور تقریباً ڈھائی بائیو ڈیگریڈبل فضلہ شامل ہے اور اس سارے فضلے کو اچھن میں قائم ڈمپنگ سائٹ پر ٹھکانے لگایا جارہا ہے۔
اچھن ڈمپنگ سائٹ کو جدید سائنسی خطوط پر استوار کرنے کی خاطر کام کیا جارہا ہے تاکہ شہر سرینگر سے نکلنے والے کچرے کو سائنسی بنیادوں پر ٹھکانے لگایا جائے۔
ان باتوں کا اظہار سرینگر میونسپل کارپوریشن کے کمشنر اطہر عامر خان نے ای ٹی کے بھارت کے ساتھ ایک خاص بات چیت کے دوران کیا۔
سرینگر میں 12 گاربیج اسٹیشن بنانے کا منصوبہ انہوں نے کہا کہ اچھن ڈمپنگ سائٹ میں مزید کوڈا کرکٹ کو ضم کرنے کے لیے مزید اقدامات اٹھائے جارہے ہیں۔ ڈمپنگ سائٹ میں فی الحال چار خانے موجود ہیں جن میں الگ الگ طرح کے کوڈے کو رکھا جاتا ہے ۔ اگرچہ فی الوقت ایک کو چھوڑ باقی تین خانے کوڈا کرکٹ سے بھرے پڑے ہیں تاہم ان کی صفائی ستھرائی کے لیے بھی ٹینڈر عمل میں لائے جارہے ہیں تاکہ روزانہ نکلنے والے کوڈا کرکٹ کو ٹھکانے لگانے میں دقتیں پیش نہ آئے۔بات چیت کے دوران ایس ایم سی کے کمشنر نے کہا کہ ڈمپنگ سائٹ کے اندر سائنسی بنیاد پر مزید ایک اور خانہ بنایا جارہا جس سے مستقبل میں کوڈے کو ٹھکانے لگانے میں مدد ملے گی۔ایک سوال کے جواب میں انہوں نے کہا کہ سرینگر میں نکلنے کے فضلے کو وقت پر ڈمپنگ سائٹ تک پہنچانے کے لیے سرینگر میں 12 مقامات پر گاربیج اسٹیشن بنانے کا منصوبہ ہے جس پر بہت جلد کام شر وع کیا جائے گا۔اس نیے منصوبے سے محلہ اور علاقہ جات سے نکالنے والے کوڈا کرکٹ کو وقت پر ڈمپنگ سائٹ تک پہنچانے میں کافی مدد ملے گی ۔سرینگر میں آوارہ کتوں کی بڑھتی آبادی سے متعلق پوچھے گئے ایک سوال کے جواب میں اطہر عامر خان نے کہا کہ اس پر قابو پانے کے لیے اے بی سی پروگرام کے تحت شہامہ میں قائم کتوں کے نسبندی مرکز کو مزید وسعت دی جارہی ہے تاکہ وہاں کتوں کی نسبندی کی رفتار میں سرعت لائی جائے وہیں ٹینگپورہ میں بھی اسی نوعیت کا سٹرلائزیشن مرکز قائم ہورہا ہے جس سے کتوں کی افزائش میں بہت حد کمی لائی جاسکتی ہے۔ یہ بھی پڑھیں: سحرش اصغر کا تبادلہ، اطہر عامر ایس ایم سی کمشنر تعینات
شہر سرینگر میں کتوں کی بڑھتی آبادی کا اعتراف کرتے ہوئے اطہر عامر خان نے کہا کہ واقعی یہ بہت بڑا چیلنج ہے اور اس سنگین مسلے پر نہ صرف غور کیا جارہا ہے بلکہ شہر سرینگر میں کتوں کی آبادی پر قابو پانے کے لیے ٹھوس اور کارگر اقدامات بھی اٹھائے جارہے ہیں جس کے خاطر خواہ نتائج بہت جلد دیکھنے کو ملے گے۔
قابل زکر ہے کہ شہامہ سرینگر میں کتوں کی افزائش کو کم کرنے کی خاطر چند کمروں پر مشتمل ایک اہسپتال تو ہے لیکن موجودہ سہولیت کے اعتبار سے اورکتوں کی آبادی کے حساب وہ ناکے برابر ہے۔وہیں جس رفتار سے وہاں کتوں کی نس بندی عمل میں لائی جاتی ہے اس سے کتوں کی آبادی پر قابو پانا مشکل ہی نہیں بلکہ ناممکن ہے ۔
یہ بھی حقیقت ہے کہ کئی لوگ غیر زمہ دارانہ رویہ اختیار کر کے کوڈا کرکٹ اور دیگر فضلہ سڑک پر پھینک کر نہ صرف عفونت پھیلاتے ہیں بلکہ آوارہ کتوں کی آبادی میں اضافے کا باعث بننے میں کوئی قباحت محسوس نہیں کرتے ہیں
