سرینگر: پریس کالونی میں پہلی بار ترنگا لہرایا گیا

آزادی کے بعد پہلی بار پریس کالونی پر قومی پرچم لہرایا گیا ہے۔ اس سے قبل اسکمس ہسپتال کی چھت پر بھی ترنگا لہرایا گیا تھا۔

جموں و کشمیر کے گرمائی دارالحکمت سرینگر میں واقع پریس کالونی میں آج پہلی بار قومی پرچم لہرایا گیا ہے۔

انتظامیہ کے سینیئر آفیسر کے مطابق 'گذشتہ روز صوبہ کمشنر کشمیر کی جانب سے جاری کیے گئے حکمنامے پر عمل کرتے ہوئے پریس کالونی میں واقع جموں و کشمیر انٹرپرائز ڈیویلپمنٹ انسٹیٹیوٹ (جے کے ای ڈی ای) کے دفتر پر ترنگا لہرایا گیا'۔

اُن کا مزید کہنا تھا کہ 'آزادی کے بعد پہلی بار پریس کالونی پر پرچم لہرایا گیا ہے۔ اس سے قبل اسکمس ہسپتال پر بھی ترنگا لہرایا گیا تھا'۔

واضح رہے کہ گذشتہ ماہ جموں و کشمیر انتظامیہ نے خطے کے تمام اسکول اور سرکاری دفتروں پر قومی پرچم لہرانے کی ہدایت جاری کی تھی۔

ٹویٹ

وہیں ایم او ایس جتیندر سنگھ نے ایک ٹویٹ میں لکھا ہے کہ سرینگر کے لال چوک میں واقع پریس کالونی پر آزادی کے بعد پہلی بار قومی پرچم لہرایا گیا ہے۔

اس کے ساتھ ہی ضلع پلوامہ میں ڈی سی دفتر پر بھی قومی پرچم لہرایا گیا۔