Art Exhibition in Srinagar سرینگر میں تین روزہ پینٹنگ نمائش کا افتتاح

سرینگر کے آرٹس ایمپوریم میں تین روزہ پینٹنگ نمائش کی افتتاحی تقریب میں سپیشل ڈی جی سی آئی ڈی جموں و کشمیر آر آر سوین، محکمہ قبائلی امور کے سیکریٹری اور چیف ایگزیکٹیو آفیسر مشن یوتھ ڈاکٹر شاہد اقبال چودھری سمیت دیگر افسران و فنکاروں نے شرکت کی۔ Arts Emporium Srinagar Painting Exhibition

سرینگر:نوجوانوں کو مصوری کی جانب راغب کرنے کی ایک کوشش کے تحت جمعہ کو سرینگر کے آرٹس ایمپوریم، عبداللہ پل، میں ’’آٹم آرٹ نمائش‘‘ کے عنوان سے تین روزہ پینٹنگ نمائش کا افتتاح کیا گیا۔ اس نمائش کا اہتمام ایک نامور قومی فنکارہ دیپا سونی نے کیا۔ پینٹنگ نمائش کے دوران ’’لائیو پینٹنگ‘‘ پروگرام بھی منعقد ہوگا۔ Three Day Art Exhibition Starts in Srinagar

صوبہ جموں کے ادھم پور ضلع سے تعلق رکھنے والی دیپا سونی نے صحافیوں کے ساتھ گفتگو کرتے ہوئے کہا کہ ’’اس نمائش میں مختلف اقسام کی پینٹنگز - جن میں آئل کلر، واٹر کلر، فیوژن، تھری ڈائمینشنل سمیت دیگر پینٹنگز کو نمائش میں رکھا گیا ہے۔ اس کا مقصد آرٹ کی ترویج و اشاعت ہے۔‘‘ انہوں نے مزید کہا کہ ’’نوجوان نسل تھری ڈائمنشنل آرٹ کی طرف راغب ہو رہی ہے، ساتھ ہی لوک آرٹ کو بھی نظر انداز کیا جا رہا ہے۔ اس نمائش کے ذریعے ہم نوجوان نسل کو متاثر کرنے اور انہیں لوک فن سے جڑے رہنے کے لیے لوک آرٹ اور دیگر جدید ترین تکنیک کو ضم کرنے کا منفرد طریقہ پیش کرنے کی کوشش کر رہے ہیں۔‘‘ Exhibition at Arts Emporium Srinagar

دیبا کا دعویٰ ہے کہ ’’اس سے ہمارے ورثے کو اگلی نسلوں تک پہنچانے میں مدد ملے گی۔‘‘ انہوں نے مزید کہا کہ ’’یہ نمائش تین دن تک جاری رہے گی جہاں لوگ مل بیٹھ کر ایک دوسرے سے سیکھ سکتے ہیں اور اگر رسپانس اچھا رہا تو مستقبل میں بھی ایسی نمائشیں کا اہتمام کیا جائے گا۔‘‘

اس موقع پر سپیشل ڈی جی سی آئی ڈی جموں و کشمیر آر آر سوین، محکمہ قبائلی امور کے سیکریٹری اور چیف ایگزیکٹیو آفیسر مشن یوتھ ڈاکٹر شاہد اقبال چودھری، ڈی آئی جی سوجیت کمار اور ایس ایس پی سری نگر، ایس ایس پی ٹریفک سٹی بھی موجود تھے۔