'کان کنی پر پابندی سے میکڈم بچھانے کا عمل ہوگا متاثر' - جموں و کشمیر میں کان کنی پر پابندی
جموں و کشمیر کے ٹھیکداروں کو خدشہ ہے کہ کان کنی پر پابندی کی وجہ سے تعمیراتی کام کاج کے ساتھ ساتھ سڑکوں پر تارکول بچھانے کا عمل بھی متاثرہو سکتا ہے۔
کان کنی پر پابندی سے میکڈم بچھانے کا عمل ہوگا متاثر
ٹھیکداروں کا کہنا ہے کہ جموں و کشمیر میں کان کنی پر پابندی عائد کرنے کی وجہ سے جہاں تعمیراتی کام کاج متاثر ہوگا اس کے علاوہ سڑکوں پر میکڈم بچھانے کے عمل بھی متاثر ہونے والا ہے- ساتھ ہی ہزاروں لوگوں کے روزگار پر بھی اس کے منفی اثرات مرتب ہوں گے۔
کان کنی پر پابندی سے میکڈم بچھانے کا عمل ہوگا متاثر
ای ٹی وی بھارت کے ساتھ گفتگو کرتے ہوئے 'ہاٹ مکس پلانٹ (میکڈم) اونرس' کی ایسوسیا ایشن کے صدر بشیر احمد خان نے بتایا کہ پانچ اگست کے بعد کان کنی کے ٹھیکے بیرونی ریاستوں کے ٹھیکیداروں کو ایک سازش کے تحت دی گئی- انکا کہنا تھا کہ اس سے میکڈم پلانٹس کی سپلائی شدید طور سے متاثر ہوئی ہے جس سے سڑکوں کی مرمت بھی بند ہونے کا امکان ہے- انکا کہنا تھا کہ موسم سرما میں برفباری اور بارش سے وادی میں سڑکوں کی خستہ حالت ہوئی ہے لیکن کان کنی پر پابندی سے چونکہ باجری اور ریت دستیاب نہیں ہو پائے گی جس سے میکڈم بچھانے کا عمل بھی متاثر ہوگا- انکا کہنا تھا کہ کان کنی سے وادی میں ہزاروں لوگوں کا روزگار منسلک ہے جو بے روزگار ہونے کے دہانے پر ہیں-