گزشتہ روز کشمیر آئے اکاتیس اراکین پر مشتمل پارلیمانی وفد کی پہلی میٹنگ اختتام پزیر ہوئی۔ آج مختلف وفود نے ان سے سرینگر کے تاج ووانتا ہوٹل میں ملاقات کی۔ اس میٹنگ میں نیشنل کانفرس کے سربراہ فاروق عبد اللہ، ایم او ایس جتیندر سنگھ رانا، سیاحت سے وابستہ افراد کے علاوہ دیگر لوگ بھی شامل تھے۔
یہ وفد تین روزہ دورے پر کشمیر آیا ہوا ہے۔
دلچسپ بات ہے کہ دفعہ 370 کی منسوخی کے بعد فاروق عبداللہ کی کسی بھی سرکاری وفد کے ساتھ یہ پہلی ملاقات ہے۔ بتایا جاتا ہے کہ میٹنگ میں انہوں نے جموں و کشمیر کے موجودہ حالات پر تبادلہ خیال کیا۔
وفد کی قیادت ٹی جی ونکٹیش کر رہے ہیں۔ یہ وفد کشمیر کے تاجروں اور سیاسی جماعتوں کے ممبران سے بھی ملاقات کرے گا اور ان سے مختلف امور پر تبادلہ خیال کرے گا۔
وفد کے دورے سے کیا نتائج برامد ہوں گے یہ تو آنے والا وقت ہی بتائے گا تاہم پارلیمانی وفد کے دورے سے کچھ امیدیں ضرور وابستہ ہوگئی ہیں۔
