خواتین کے واحد بڑے لال دید اسپتال میں خاتون ڈاکٹر کی جانب سے مریضہ کا معائنہ کرنے سے انکار کرنے کی تحقیقات شروع کردی گئی ہیں۔ مریضہ کے تیمار دار کے مطابق وہ ہسپتال میں زیر علاج مریضہ کے معائنہ کے لیے جب ڈیوٹی پر تعینات ڈاکٹر کو بلانے گئے تو خاتون ڈاکٹر نے مریضہ کا معائنہ کرنے سے صاف انکار کیا، ڈاکٹر نے کہا کہ وہ اس کی مرضی پر منحصر ہے کہ وہ کس مریض کا علاج کرے گی اور کس کا نہیں۔ Lady doctor at LD hospital allegedly denied to treat patient, video goes viral
تیمار نے اس واقعہ کا ایک ویڈیو بھی بنایا یے جو کہ اب تیزی سے وائرل ہورہا ہے۔ ویڈیو میں صاف طور پر دیکھا اور سنا جا سکتا ہے کہ خاتون ڈاکٹر تیمار دار کو مریضہ کی جانچ کرنے سے انکار کررہی ہے اور تیمار دار کو آر ایم او اور پولیس کے پاس لے جانی کی دھمکی بھی دے رہی ہے۔ وائرل ویڈیو میں تیمار دار مریضہ کا معائنہ کرنے کی گزارش کررہا ہے، تو ڈاکٹر یہ کہتی ہوئی دیکھی جارہی کہ وہ حق رکھتی ہے کہ وہ کس مریض کو دیکھے اور کس کو نہیں۔ معاملے کو سنجیدگی سے لیتے ہوئے تحقیقات شروع کر دی گئی ہیں۔ لل دید اسپتال کے میڈیکل سپرنٹنڈنٹ اس حوالے سے تحقیقات کررہے ہیں۔
