مہمان پرندوں کی آمد سے جھیلوں کی رونق میں اضافہ

موسم سرما کے دوران وادی کشمیر کی جھیلوں اور آبی پناگاہوں میں ملک اور بیرون ملک کے ہزاروں مہمان پرندوں کی آمد سے چار چاند لگ جاتے ہیں۔

ایشاء کی سب سے بڑی جھیل ولر میں ان پروندوں کی کثیر تعداد آئی ہوئی ہے۔ وہیں ان دنوں ہوکر سر اور اس جھیل ڈل میں بھی ان مہاجر پرندوں کی کافی تعداد دیکھنے کو مل رہی ہے۔جس سے نہ صرف ان آبی پناہ گاہوں کی رونق بڑھ گئئ ہے بلکہ وادی کشمیرکا حسن بھی دوبالا ہوگیا ہے۔

آجکل ان جھیلوں میں جن بیرون پروندوں کی آمد دیکھی جارہی ہے ان میں زیادہ تر بطخ ،سارس اورہنس وغیرہ شامل ہیں ۔جو کہ زیادہ تر سائبریا مشرقی یورپ ،فلپائن اور چین وغیرہ سے آئے ہوئے ہیں۔ ان پروندوں کو کشمیر کا سرمائی موسم موزون اور بہترین قرار گاہ لگ رہا ہے۔مہاجر پرندے شام ڈھلنے کے ساتھ ہی آب گاہوں میں بیٹھتے ہیں اور قابل دیدی نظارہ پیش کرتے ہیں ۔ عام لوگوں کے ساتھ ساتھ کشمیر کی سیر پر آئے ہوئے ملکی سیلانی بھی ان خوبصورت نظاروں کا بھر پور لطف اٹھاتے ہیں ۔

جموں وکشمیر میں آبی پرندوں کا شکار کرنے پر سرکاری پابند عائد ہے لیکن اس کے باوجود بھی ان پرندوں کے لئے شکاریوں کا خطرہ کم نہیں ہوا ہے۔کیونکہ یہ مہمان پرندے صبح وشام کافی کم اونچائی کی اڑان بھرتے ہیں ۔جبکہ غذا کی تلاش میں دوسرے جھیلوں اور آبی پناگاہوں کیطرف نکلتے ہیں ۔اس لئے شکاریوں کے لئے انہیں شکار کرنا آسان بن جاتا ہے۔ ایسے میں ماہرین اور دوسرے زی حس لوگوں کو پرندوں کی سلامتی کے لئے خدشہ لاحق رہتا ہے۔

واضح رہے ہر برس یہ مہاجر پرندے کشمیر آتے ہیں اور اکتوبر مہینے سے لےکر مارچ تک یہاں قیام کر کے پھر اپنے اپنے ممالک کی اور رخ کرتے ہیں۔