معطل ڈی ایس پی دیویندر سنگھ کو ضمانت ملی

معطل ڈی ایس پی دیویندر سنگھ کے وکیل کا کہنا ہے کہ 'دہلی پولیس ان کے خلاف وقت پر چارج شیٹ داخل کرنے میں ناکام رہی۔'

دہلی کی ایک عدالت نے معطل شدہ جموں و کشمیر کے ڈی ایس پی دیویندر سنگھ کو ضمانت دی ہے۔

بتا دیں کہ معطل ڈی ایس پی کو جنوبی کشمیر کے ضلع کولگام میں اس وقت گرفتار کیا گیا تھا جب وہ عسکریت پسندوں کے ساتھ جموں کی طرف جا رہے تھے، ان کی تحویل سے اسلحہ بھی برآمد کیا گیا تھا۔

اطلاعات کے مطابق آج دہلی کی ایک عدالت نے انہیں ضمانت دی ہے۔ ملزم کے وکیل کا کہنا ہے کہ 'دہلی پولیس دیویندر سنگھ کے خلاف وقت پر چارج شیٹ داخل کرنے میں ناکام رہی۔ انہیں ایک لاکھ روپے کے بانڈ کے عوض ضمانت دی گئی ہے۔'