'افواہیں پھیلانے والوں کے خلاف کاروائی کی جائے گی'

وادی کشمیر میں گزشتہ کئی روز سے مختلف قسم کی افواہوں اور قیاس آرائیوں سے سراسیمگی پھیل گئی ہیں۔ کئی علاقوں میں یہ افواہیں گشت کررہی ہیں کہ وادی میں رات کے دوران کرفیو کا نفاذ عمل میں لایا جارہا ہے۔

ای ٹی وی بھارت سے بات کرتے ہوئے صوبائی کشمیر کمشنر بصیر احمد خان نے آج ان سب افواہوں کو بے بنیاد بتایا اور افوائیں پھیلانے والے افراد کے خلاف سخت کارروائی عمل میں لائی جاےگی

اُن کا کہنا تھا کہ "افواہ بازوں کی جانب سے وادی کے حالات کے تعلق سے پھیلای جا رہی خبریں بے بنیاد ہے۔ شر پسندعناصر یہ کام وادی کے امان و امان کو بگاڑنے کے لیے کر رہے ہیں۔"

اُن کا مزید کہنا تھا کہ "انتظامیہ کے جانب سے پولیس کو ہدایت دی گئی ہے کہ وہ ان افراد کے خلاف سخت کارروائی عمل میں لائے"
واضع رہے کہ وادی میں کئی روز سے کرفیو نافذ کیے جانے اور علحیدگی پسند رہنماؤں کی وفات کو لیکر افواہوں کا بازار گرم ہے۔