عید الاضحیٰ کے پیش نظر لاک داؤن میں دو دن کی نرمی

سرینگر انتظامیہ نے شہر میں بڑھتے کیسز کے پیش منظر محدود دکانیں کھولنے کی اجازت دی جس کی وجہ سے بازاروں میں کوئی گہما گہمی نہیں دیکھنے کو مل رہی ہے-

وادی کشمیر میں صوبائی انتظامیہ نے عید الاضحٰیٰ کے پیش نظر لاک داؤن میں دو دن کی نرمی دی ہے- اس نرمی کے تحت صرف ضروری اشیاء فروخت کرنے والی دکانیں کھلے رکھنے کے احکامات جاری کئے گئے ہیں-
وہیں نجی گاڑیوں کو چلنے کی اجازت ہے لیکن مسافر گاڑیوں پر پابندی جاری ہے-

دکانداروں سے کہا گیا ہے کہ وہ کووڈ 19 کے احتیاطی تدابیر پر خود بھی عمل پیرا ہو اور گاہکوں کو بھی ان کی پاسداری کرنے کی ہدایت دے-انتظامیہ نے پولیس اور سیول انتظامیہ کے افسران کو سڑکوں پر تعینات کیا ہے تاکہ لوگوں کو ماسک پہننے کے تعلق جانکاری دی جائے اور بغیر ماسک کے لوگوں پر جرمانہ عائد کیا جارہا ہے-

سرینگر انتظامیہ نے شہر میں بڑھتے کیسز کے پیش منظر محدود دکانیں کھولنے کی اجازت دی جس کی وجہ سے بازاروں میں کوئی گہما گہمی نہیں دیکھنے کو مل رہی-
واضح رہے سرینگر میں کووڈ 19 کے کیسز کی تعداد 4200 سے زائد ہیں جن میں 2458 ایکٹیو پازیٹو ہیں جبکہ دیگر روبہ صحت ہوئے ہیں- 98 مریضوں کی موت بھی اس وائرس سے واقع ہوچکی ہے-