سرینگر: سڑک کے ایک دلدوز حادثے میں تین افراد موقع ہی ہلاک

سڑک کے ایک دلدوز حادثے میں تین افراد موقع پر ہی ہلاک ہوگئے ہیں۔ سرینگر کے مضافاتی علاقے پنزی نارہ میں سڑک پر ایک دلدوز حادثہ پیش آیا جس میں تین افراد موقع پر ہی ہلاک ہوگئے۔

جمعہ کے روز پنزی نارہ علاقے میں اسکوٹی اور ویگن آر گاڑی کے درمیان ہوئے ایک بھیانک حادثے میں 3 افراد کی موت واقع ہوئی ہے۔

اطلاع کے مطابق اسکوٹی جس پر تین افراد سوار تھے کو مخالف سمت میں آرہی ہے ایک ویگن آر کار زیر نمبر jk05E /1226 نے زور دار ٹکر مار دی۔ جس کے نتیجے میں اسکوٹی پر سوار تینوں افراد کی موت موقع پر ہوگئی۔

ہلاک ہوئے افراد کی شناخت پنزی نارہ کے سمیر احمد ولد ثناء اللہ ڈار، مشتاق احمد ملک ولد غلام محمد ملک اور شاہد فیاض ولد فیاض احمد ڈار کے بطور ہوئی ہے۔

پولیس نے حادثے کی جگہ پہنچ کر معاملے کی تحقیقات شروع کردی ہے جب کہ اس حوالے سے پولیس اسٹیشن پارم پورہ میں باضابطہ ایک کیس بھی درج کیا گیا ہے۔