سرینگر میئر کے لیے انتخابات بدھ کو

پانچ مہینے سے زائد عرصے تک میئر کی کُرسی خالی رہنے کے بعد بدھ کو سرینگر میئر کے لیے انتخابات منعقد کیے جا رہے ہیں۔

سرینگر مونسپل کارپوریشن کی جانب سے جاری کیے گئے بیان میں کہا گیا ہے کہ بدھ کو صبح11 بجے سے میئر کے لیے انتخابات منعقد کیے جائیں گے۔

بیان میں مزید کہا گیا ہے کہ ’’یہ انتخابات میونسپلٹی کے کارپوریٹ حال میں منعقد ہونگے اور مئیر کی کُرسی کے لیے تین امیدوار میدان میں ہیں۔ سابق میئر جنید متو، سابق نائب مئیر شیخ عمران اور اعجاز رسول۔‘‘

قابل ذکر ہے کہ امسال جون کی 16 تاریخ کو سابق مئیر جنید متو کے خلاف عدم اعتماد قرارداد لائی گئی تھی جس کے بعد وہ اکثریت ثابت کرنے میں ناکام ہو گئے تھے۔ تب سے سرینگر مئیر کی کُرسی خالی ہے۔