شہر سرینگر سمیت مخلتف علاقوں میں برفباری شروع
سرینگر: محکمہ موسمیات کی پیش گوئی کے عین مطابق جمعرات کی سہہ پہر سے ہی وادی کشمیر کے لگ بھگ تمام حصوں میں برف باری کا سلسلہ شرع ہوا اور شام ڈھلنے کے تک سرینگر سمیت پوری وادی نے برف کی سفید چادر اوڑھ لی۔Snowfall in kashmir
یہ تازہ برف باری جہاں شہنشاہ زمستان چالیس روزہ چلہ کلان کی پہلی برف باری ہے وہیں دوسری طرف اس سے سردی کی شدت میں قدرے کمی محسوس کی گئی اور خشک موسم کے ایک طویل سلسلے کا خاتمہ بھی ہوگیا۔White Blanket in Kashmir
تفصیلات کے مطابق وادی کے بالائی علاقوں بشمول سیاحتی مقامات گلمرگ، پہلگام، سونہ مرگ، ٹنگہ مرگ وغیرہ میں شام ہونے تک دو سے تین انچ برف جمع ہوئی تھی جبکہ میدانی علاقوں بشمول سری نگر میں صحنوں، پارکوں، مکان کے چھتوں پر برف جمع ہونے لگی تھی۔