Fire Incidents in Kashmir آگ کی وارداتوں میں ایس پی ایس میوزم دفتر اور چنار کا درخت خاکستر

سرینگر کے لال منڈی علاقے میں آگ کی ایک واردات میں ایس پی ایس میوزم دفتر کو نقصان پہنچا ہے۔دوسری جانب چندہ پورہ ہارون میں آتشزدگی کے ایک واقعے میں چنار کا درخت خاکستر ہوا۔

سرینگر:جموں وکشمیر کی گرمائی دارالحکومت سرینگر کے لال منڈی علاقے میں آگ کی ایک واردات میں ایس پی ایس میوزم دفتر کو نقصان پہنچا ہے۔چندہ پورہ ہارون میں آتشزدگی کی واردات میں چنار درخت خاکستر ہوا۔ اطلاعات کے مطابق لال منڈی سرینگر میں اس وقت سنسنی کا ماحول پھیل گیا جب سنیچر دیر رات ایس پی ایس میوزم دفتر میں آگ کے شعلے بلند ہوئے۔معلوم ہوا ہے کہ فائر اینڈ ایمرجنسی عملے کی بروقت کارروائی کے نتیجے میں آگ کو مزید پھیلنے سے روک دیا گیا۔فائر اینڈ ایمرجنسی کے ایک ترجمان نے بتایا کہ آگ کی اس واردات میں میوزم دفتر کو جزوی نقصان پہنچا جبکہ عمارت کی باقی گیلریاں محفوظ ہیں۔پولیس نے آگ لگنے کی وجوہات جاننے کی خاطر کیس درج کرکے مزید تحقیقات شروع کی۔

دریں اثنا سرینگر کے مضافاتی علاقے چند پورہ ہارون میں درمیانی شب چنار کے درخت سے آگ ظاہر ہوئی۔پولیس اور فائر اینڈ ایمرجنسی عملے نے بعد ازاں آگ پر قابو پایا۔ بتادیں کہ آئے روز کشمیر میں آگ کی واردات میں اضافہ دیکھا گیا ہے۔ اس آگ واردات کی اہم وجہ لاپروری بتائی جارہی ہے۔آگ کی ان واردات میں لاکھوں روپئے مالیت کا سازو سامن راکھ کی ڈھیر میں تبدیل ہوتا ہے۔

(یو این آئی مشمولات کے ساتھ)