سرینگر: مدرسے میں آتشزدگی

مقامی لوگوں نے بتایا کہ 'رات کے دوران عمارت میں آگ لگنے سے لاکھوں روپیے مالیت کا سامان جل کر تباہ ہوگیا۔'

سرینگر کے نورباغ علاقے میں گزشتہ شب آتشزدگی کے ایک واقعے میں ایک دینی مدرسہ کی عمارت جل کر خاکستر ہو گئی۔

ذرائع نے بتایا کہ جمعرات اور جمعہ کی درمیانی شب سرینگر کے بگوان پورہ نورباغ علاقے میں واقع مدرسہ اسلامیہ عربیہ دارالاسلام میں اچانک آگ لگ لگی۔

انہوں نے بتایا کہ اگرچہ فائر اینڈ ایمرجنسی کا عملہ جائے واقعہ پر پہنچ کر آگ کو قابو میں کر لیا، تاہم عمارت مکمل طور پر تباہ ہو گئی۔

مقامی لوگوں نے بتایا کہ آگ شارٹ سرکٹ کی وجہ سے لگی جس کی وجہ سے مدرسے کی عمارت مکمل طور پر تباہ ہوگئی اور لاکھوں روپیے مالیت کا سامان تباہ ہوگیا۔