Jammu IAF Base Blast: 'ایئرپورٹ سمیت حساس مقامات کی نگرانی بڑھائی گئی ہے'

انسپکٹر جنرل وجے کمار نے بتایا کہ ڈرونز سے پیدا شدہ خطرات کو مدنظر رکھتے ہوئے گزشتہ دنوں سے ایئرپورٹ سمیت مختلف سکیورٹی تنصیبات پر سکیورٹی میں اضافہ کیا گیا ہے۔

جموں فوجی ایئرپورٹ پر مبینہ ڈرون سے حملہ کے بعد سیکورٹی فورسز نے سرینگر اور دیگر اہم سیکورٹی تنصیبات پر نگرانی بڑھادی ہے۔

سرینگر میں پولیس کنٹرول روم میں کشمیر زون پولیس کے انسپکٹر جنرل وجے کمار نے بتایا کہ ڈرونز کے خطرات کو مدنظر رکھتے ہوئے گزشتہ دنوں سے انہوں نے ایئرپورٹ انتظامیہ اور دیگر سیکورٹی فورسز اور فوج کے ساتھ میٹنگ کی ہے۔ جس میں حساس سکیورٹی تنصیبات کی سکیورٹی بڑھانے پر اتفاق کیا گیا۔ ان کا کہنا تھا کہ یہ تکنیکی خطرہ ہے لیکن اس سے بھی ہم نمٹ لیں گے۔

یاد رہے کہ جموں ضلع میں گزشتہ دنوں فوجی ایئرپورٹ پر رات کے دوران مبینہ ڈرون کے ذریعے دو بم حملے کئے گئے تھے جس کی اعلیٰ سطحی جانچ شروع کردی گئی ہے۔