کورونا وائرس: جموں و کشمیر میں کئی اسکول بند

کورونا وائرس کے خدشات کے پیش نظر جموں و کشمیر کے دارالحکومت سرینگر، بڈگام، بارہ مولہ، جموں اور بانڈیپورہ میں پرائمری سطح کے اسکولوں کو بند رکھنے کی ہدایات دی ہے۔

جموں ضلع کے بعد سرینگر میں پرائمری سطح کے اسکول نئے حکم نامے تک بند کرنے کا اعلان کیا ہے۔ سرینگر کے ڈپٹی کمشنر شاہد اقبال چودھری نے ایک ٹویٹ میں اس بات کا علان کی ہے کہ پیر سے سرینگر ضلع کے حدود میں آنے والے تمام پرائمری سطح کے اسکول بند رہیں گے۔

اس کے علاوہ بڈگام، بارہ مولہ، جموں اور بانڈیپورہ کی ضلع انتظامیہ نے بھی پرائمری اسکولوں کو بند کرنے کی ہدایت دی ہے۔

خیال رہے یہ قدم کورونا وائرس کے اضافے کے خدشات کے پیش نظر اٹھایا گیا ہے۔ شاہد اقبال چودھری نے ای ٹی وی سے بات کرتے ہوئے اس بات کی تصدیق کی کہ پیر کے روز سے سرینگر کے تمام پرائمری اسکول بند رہیں گے۔