سرینگر: پیپلز کانفرنس کے صدر سجاد لون نے نئے لینڈ لیز قوانین پر اپنے خیالات کا اظہار کرتے ہوئے کہا کہ جب ملک میں یکساں قوانین ہے تو جموں کشمیر لیفٹنٹ گورنر انتظامیہ کشمیر کے لئے الگ قوانین کیوں لاگو کر رہا ہے۔ انہوں نے کہا کہ ایک وقت تھا جب کشمیر کے لوگ یہ دعویٰ کرتے تھے کہ وہ ملک سے الگ ہیں، تاہم اب انتظامیہ ہی لوگوں کو کہہ رہا ہے کہ کشمیر ملک سے الگ ہے۔ Sajjad expressed his views on Lend Lease Laws
غور طلب ہے کہ جموں کشمیر ایل جی انتظامیہ نے لینڈ گرانٹ رولز 2022 اجرا کرتے ہوئے کہا ہے کہ جن افراد کا لیز ختم ہوا ہے وہ اس اراضی کو واپس انتظامیہ کے حوالے کریں بصورت دیگر انہیں اس اراضی سے نکالا جایا گا۔ انتظامیہ نے کہا ہے کہ جن افراد نے رہائش کے لئے لیز کیا ہے ان پر یہ احکامات نافذ نہیں ہوں گے البتہ ضابطوں کے تحت لیز ختم نہیں ہوگا۔ ان لینڈ گرانٹ (Land Grant Rules) رولز کے مطابق لیز پر لی گئی اراضی کو صنعت، سیاحت، کھیل کود، تعلیم وغیرہ کے لئے استعمال کیا جائے گا۔جموں کشمیر لیفٹنٹ گورنر منوج سنہا نے کہا کہ سابق ریاست کی اراضی کے متعلق قوانین میں اس لیے تبدیلی کرنے کی ضرورت پڑی کیوں وہ سخت تھے جن سے ترقی میں رکاوٹ آرہی تھی۔
