'شیلا دکشت عوامی رہنما تھیں'

کانگریس کے سینیئر رہنما سیف الدین سوز نے نئی دہلی کی سابق وزیراعلی شیلا دکشت کی موت پر غم کا اظہار کیا ہے۔

ای ٹی وی بھارت سے بات کرتے ہوئے سیف الدین سوزکا کہنا ہے کہ شیلا دکشت کانگریس کی ایک بہترین رہنما تھیں۔

انہوں نے کہا کہ بطور وزیراعلی شیلا دکشت نے عوام کے لیے کافی اچھے کام کیے ہیں، ان کی سیاسی سوجھ بوجھ کا کوئی بھی جواب نہیں تھا، خاص طور پر جس طرح سے وہ افسران سے پیش آتی تھی ویسا کچھ ہی لوگ کر پاتے ہیں۔

انہوں نے مزید کہا کہ جہاں کانگریس نے آج ایک صلاح کار، سینیئر رہنما کو کھویا ہے وہیں ملک نے ایک بہترین نمائندے کو کھویا ہے۔

واضح رہے کہ شیلا دکشت کا علاج دہلی کے فورٹس ہسپتال میں جاری تھا اور ہسپتال میں ہی انہوں نے آخری ساںسیں لیں۔