مرکزی زیر انتظام جموں وکشمیر کی گرمائی راجدھانی سرینگر میں آج عیدالاضحیٰ کے موقع پر دوبارہ بندشے عائد کر دی گئی ہیں۔ اس کے تحت عید الاضحیٰ کی نماز اجتماعی طور پر ادا کرنے کی وادی میں اجازت نہیں دی گئی۔
اس دوران سرینگر کے تمام راستوں کو سیل کر دیا گیا اور لوگوں کی نقل و عمل کو پوری طرح سے بند کیا گیا ہے۔
عید الاضحیٰ کے موقع پر جامع مسجد کو پوری طرح سیل رکھا گیا ہے اور سی آر پی ایف کی بھاری نفری کو تعینات کیا گیا ہے۔ اس کے علاوہ سڑکوں پر خاردار تار لگا دئے گئے ہیں تاکہ کوئی بھی باہر نہ نکلے اور سڑک پر آمد و رفت متاثر رہے۔