سٹیٹ الیکشن کمیشن کی جانب سے ریزرویشن ڈرافٹ جاری

سرینگر، بانڈی پورہ، بڈگام، ڈوڈہ، کھٹوعہ، کولگام، کپوارہ، پلوامہ، ریاسی اور سانبہ ضلع ترقیاتی کونسل چیئرمین کے عہدوں کی نشستیں کھلی رکھی گئی ہیں۔

اسٹیٹ الیکشن کمیشن کی جانب سے ضلع ترقیاتی کونسل چیئر پرسن کے لیے ریزرویشن ڈرافٹ جاری کیا گیا ہے، جس کے مطابق جموں وکشمیر کے دس چیئرپرسن اراکین کا انتخاب اکثریت سے کیا جائے گا۔ جبکہ دیگر دس اضلاع کی نشستیں مخصوص زمروں کے لئے رکھی گئی ہیں۔

کمیشن کی جانب سے جاری کردہ ریزویشن ڈرافٹ میں کہا گیا کہ تجاویز سے متعلق اگر کسی کو کوئی اعتراض ہو تو وہ 30 جنوری تک اپنے اعتراضات سی ای او سٹیٹ الیکشن کمیشن نرواچن بھون جموں کے نام بھیج سکتے ہیں، (jk.nic.in) پر میل بھی کر سکتے ہیں۔

ریزرویشن ڈرافٹ کے رو سے اننت ناگ اور راجوری اضلاع میں چیئرمین کی نششتیں درج فہرست قبائل کے لئے مخصوص رکھی گئی ہیں جبکہ چار ضلع ترقیاتی کونسل کے چیئرمین کی نشستیں خواتین کے لئے مخصوص رکھی گئی ہیں، جن میں بارہ مولہ، گاندربل، کشتواڑ، رام بن اور شوپیاں شامل ہیں۔ ادھر پونچھ میں چیئرپرسن کی ایک نشست مختص رکھی گئی ہے۔

سرینگر، بانڈی پورہ، بڈگام، ڈوڈہ، کھٹوعہ، کولگام، کپوارہ، پلوامہ، ریاسی اور سانبہ ضلع ترقیاتی کونسل چیئرمین کے عہدوں کی نشستیں کھلی رکھی گئی ہیں۔

وہیں ڈرافٹ کے مطابق جموں اور ضلع ادھم پور کی دو نشستوں کے لئے درجہ فہرست ذات سے تعلق رکھنے والوں کے لئے مخصوص رکھی گئی ہیں۔واضح رہے سبھی اضلاع میں چیئرپرسن کے عہدوں کے لئے انتخاب حتمی نوٹیفیکشن کے اجرا ہونے کے 20 روز بعد منعقد ہوں گے۔