Anjuman Auqaf Srinagar 'ماہ ربیع الاول کے پیش نظر میر واعظ کی رہائی ممکن بنائی جائے'

انجمن اوقاف جامع مسجد سرینگر نے تشویش ظاہر کرتے ہوئے مطالبہ کیا کہ ماہ ربیع الاول کے پیش نظر میر واعظ کی رہائی ممکن بنائی جائے, کیوں کہ انہیں غیرقانونی اور غیراخلاقی طور پر نظر بند رکھا گیا ہے۔ Mirwaiz Dr Molvi Muhammad Umar Farooq

سرینگر:انجمن اوقاف جامع مسجد سرینگر نے عالم اسلام کے بلند پایہ ولی کامل حضرت شیخ بہاؤ الدین نقشبند صاحبؒ کے عرس پاک کے موقع پر زبردست خراج عقیدت ادا کرتے ان کی بے مثال روحانی اور اصلاحی خدمات کو شاندار الفاظ میں خراج عقیدت ادا کیا ہے۔ بیان میں کہا گیا کہ حضرت خواجہ نقشبند صاحب تصوف کے سلسلۂ نقشبندیہ کے بانی اعظم ہیں اور ان کے سلسلہ میں برصغیر اور کشمیر میں لاکھوں لوگ منسلک ہیں۔ انجمن نے کہا کہ گزشتہ چار سال سے زائد سربراہ انجمن میر واعظ ڈاکٹر مولوی محمد عمر فاروق کو حکام نے غیر قانونی اور غیر اخلاقی طور پر نظر بند رکھا ہے جس کی وجہ سے موصوف مشہور زمانہ ”خوجہ دگر“ اور آج کی مناسبت سے اپنے اکابر میر واعظین کشمیر کے طرز عمل پر وعظ و تبلیغ کی منصبی ذمہ داریاں ادا نہیں کرپا رہے ہیں۔ جو حد درجہ افسوسناک اور قابل مذمت ہے۔
یہ بھی پڑھیں:

بیان میں کہا گیا کہ میر واعظ کی مسلسل نظر بندی کی وجہ سے عوام خاص طور پر دیندار طبقہ میں زبردست مایوسی پائی جارہی ہے اور حکمرانوں کے اس طرز عمل کو عوام مداخلت فی الدین قرار دے رہے ہیں۔ انجمن نے حکام پر زور دیا کہ وہ میر واعظ کی رہائی یقینی بنائیں تاکہ موصوف ماہ ربیع الاول کے پیش نظر سیرت سرور عالمؒ کے پیغام کو اپنے مواعظ حسنہ اور خطابات کے ذریعہ عام کرسکیں۔