نادر قرآنی نسخہ ایک لاکھ 37 ہزار برطانوی پاؤنڈ میں فروخت

نوادرات اور تاریخی دستاویزات فروخت کرنے کے لئے مشہور نیلام گھر سوتھ بیز کے تحت ہونے والی نیلامی میں ایک کشمیری خطاط کے ہاتھ سے لکھا گیا قرآن کا نسخہ ایک لاکھ 37 ہزار 5 سو برطانوی پاؤنڈ میں فروخت ہو گیا۔ جو کہ قرآن نسخے کو فروخت کرنے کی اب تک سب سے بڑی رقم مانی جا رہی یے۔

تاہم نیلامی کے دوران اس نادر قرآنی نسخے کو اتنی رقم میں خریدار والا شخص کون ہے اس کا ابھی پتہ نہیں چلا ہے۔ مذکورہ قرآنی نسخے کو حال ہی میں نیلامی کے لیے پیش کیا گیا تھا اور یہ نسخہ 544 صفحات پر مشتمل ہے۔

بھارتی کرنسی کے حساب سے اس کی مالیت ایک کروڑ 29 لاکھ ہے۔ جبکہ پاکستانی روپیوں میں اس کی مالیت دو کروڑ سے بھی زیادہ ہے۔

سوتھ بیز نے اس قرآنی نسخے کو اپنی وئب سائٹ پر متعارف کراتے ہوئے لکھا ہے کہ قرآن کا یہ نادر نسخہ 19ویں صدی میں تیار کیے گئے نفیس ترین خطاطی میں شمار ہوتا ہے۔ وہیں یہ نسخہ نہ صرف غیر معمولی ہے بلکہ نایاب بھی۔

اس انمول اور نادر قرآنی نسخے میں کالی، نیلی اور سرخ روشنائی استعمال کی گئی ہے۔ آیات کو سنہرے رنگ کے بنے دائروں اور دوسرے نشانات سے ایک دوسرے سے الگ کیا گیا ہے۔