Rape Accused Arrested In Srinagar عصمت دری میں ملوث ملزم گرفتار

جموں و کشمیر پولیس نے پیر کے روز ایک نا بالغٖ لڑکی کے ساتھ عصمت دری کرنے کے الزام میں ملوث ملزم کو گرفتار کیا ہے۔ پولیس نے ملزم کی گرفتاری کے لیے متعدد جگہوں پر چھاپے مارے تھے۔ Rape Accused Arrested In Srinagar

سرینگر:سرینگر پولیس نے پیر کے روز عصمت دری معاملے میں ملوث ایک ملزم کو گرفتار کرلیا ہے۔ پولیس اسٹیشن صدر کو ایک خاتون کی طرف سے شکایت موصول ہوئی تھی کہ اس کی نابالغ بیٹی کے ساتھ گلوان پورہ حیدر پورہ سرینگر کے رہنے والے شاہد احمد ولد شبیر احمد بٹ نے عصمت دری کی ہے۔Rape accused arrested in Srinagar

اس حوالے سے صدر پولیس اسٹیشن سرینگر میں باضابطہ طور ایف آئی آر زیر نمبر 103/22 POCSO ایکٹ کی دفعہ 3/4 اور آئی پی سی کی 363,376,506 دفعات کے کیس درج کرکے تحقیقات کو شروع کی گئی تھی۔

پولیس بیان کے مطابق معاملے کی سنجیدگی کو دیکھتے ہوئے ایس پی ساؤتھ کی نگرانی میں ایس ایچ او صدر انسپکٹر مدثر نذر کی قیادت میں ایک خصوصی ٹیم تشکیل دی جس کے بعد پولیس نے متعدد مقامات پر چھاپہ ڈلا کر ملزم کو ایک گھنٹے کے اندر ہی گرفتار کرلیا ہے ۔معاملے کی نسبت مزید تفتیش جاری ہے۔ایسے میں ملزم کو مزید پولیس ریمانڈ کے لیے عدالت میں منگل یعنی کل پیش کیا جارہا ہے۔