Golf Tournament for Caddies: کیڈیز کے لیے جلد ٹورنامنٹ منعقد کیا جائے گا، راجیو رائے بھٹناگر

یوگنڈا سے کشمیر گولف کھیلنے آئے کھلاڑی نیسٹا کا کہنا ہے کہ 'کشمیر گولف کے لیے بہترین مقام ہے۔ اُن کا کہنا تھا کہ "میں تیسری بار کشمیر گولف کھیلنے آیا ہوں۔ یہاں گولف کا بہترین کورس ہے۔ یہاں کی قدرتی خوبصورتی لاجواب ہے اور یہ میرے پسندیدہ کورسز میں سے ایک ہے۔ Uganda Players on Kashmir golf Tournament

سرینگر:جموں و کشمیر کے لیفٹیننٹ گورنر منوج سنہا کے مشیر راجیو رائے بھٹناگر نے ہفتے کے روز دعویٰ کیا کہ مرکز کے زیر انتظام خطے میں گولف کو مقبول بنانے کے لیے کئی اقدامات اٹھائے جا رہے ہیں اور کیڈیز کے لیے بھی جلد ہی ایک ٹورنامنٹ منعقد کیا جائے گا۔ JK LG Adviser on Tournament for Caddies۔ آپ کو بتا دیں کہ کیڈی caddie وہ شخص ہوتا ہے جو گولف کھلاڑی کا بیگ اور کلب لے کر چلتا ہے اور کھلاڑی کو مشورہ اور اخلاقی مدد دیتا ہے۔ ایک اچھا کیڈی کھیلے جانے والے گولف کورس کے چیلنجوں اور رکاوٹوں کے ساتھ ساتھ کھیل کی بہترین حکمت عملی سے بھی واقف ہوتا ہے۔ اس میں مجموعی یارڈج، پن پلیسمنٹ اور کلب کا انتخاب جاننا شامل ہے۔ جب کہ ایک گولفر ہر کامیاب میچ کے ساتھ درجہ بندی میں اضافہ کرتا ہے لیکن ایک کیڈی ہمیشہ گمنام ہی رہتا ہے۔ What the Role of a Caddie in Golf

سرینگر کے رائل اسپرنگس گولف کورس میں لنونراٹا انویٹیشنل گولف ٹورنامنٹ سیزن تین کا ٹی آف کرنے کے بعد ای ٹی وی بھارت سے بات کرتے ہوئے راجیو رائے بھٹناگر کا کہنا تھا کہ "جموں و کشمیر دنیا کے بہترین سیاحتی مقام میں سے ایک ہے۔ یہاں کے گولف کورسز بھی بہت منفرد ہیں، قدرتی خوبصورتی کے ساتھ ساتھ پیشہ ورانہ کورسز ہیں۔' 3rd Linnunrata Invitational Golf Tournament۔ اُن کا مذید کہنا تھا کہ "ہم گولف کو یہاں پیشہ ورانہ کھیل کے طور بھی فروغ دینے کی کوشش کر رہے ہیں۔ اس کے لیے جموں اور سرینگر میں ایک ایک اکیڈمی بھی قائم کی گئی ہے۔ یہ ادارے نوجوانوں کے ساتھ ساتھ طلباء کو بھی تربیت دیگی۔ اسکولی بچوں کے لیے ہم فری کوچنگ دے رہے ہیں جموں میں بھی اور سرینگر میں بھی۔ اب اس کھیل کو ہر طبقے سے وابسطہ افراد کھیل رہے ہیں اب یہ بلکل ایلیٹ کھیل نہیں رہ گیا ہے۔"

بھٹناگر کا ماننا ہے کہ ٹورنامنٹ سے کھیل کو فروغ ملتا ہے اور اس وادی میں ٹورازم بھی اضافہ ہوگا اور گولف کے لیے رجاں بھی بڑے گا۔ اُنہوں نے کہا کہ عالمی وبا کی وجہ سے وادی میں گولف کیڈیز کے لیے ٹورنامنٹ منعقد نہیں کیے گئے تاہم یقین داہنی کرائیں کی بہت جلد سرینگر کے کشمیر گولف کورس میں کیڈیز کے لیے ٹورنامنٹ منعقد کیا جائے گا اور اس سے اُن کی حوصلہ افزائی بھی ہوگی۔'

قابل ذکر ہے کہ رواں برس فروری کے مہینے میں ای ٹی وی بھارت نے caddie کے حوالے سے ایک خصوصی خبر کی تھی۔ خبر میں وادی کے کیڈیز نے اپنی مشکلات کا تفصیلی تذکرہ کیا تھا۔ وہی گولف ٹورنامنٹ کے آرگنائزر منیش اروڑا کا کہنا تھا کہ "یہ ہمارا تیسرا سیزن ہے۔ پہلا ہم نے چندیگڑھ میں کیا تھا، دوسرا ہماچل میں اور تیسرا کشمیر میں منعقد کیا جا رہا ہے۔ اس ٹورنامنٹ کا مقصد آپسی بھائی چارے کو فروغ دینا ہے۔ اس ٹورنامنٹ میں 100 سے زائد کھلاڑی شرکت کر رہے ہیں، جن میں سے تقریباً 68 سرینگر سے ہیں جبکہ دیگر 32 غیر مقامی ہیں۔" اُن کا مزید کہنا تھا کہ "جب کشمیر کا دورہ کیا تھا ٹورنامنٹ کے انعقاد کے حوالے سے تو اسی وقت لگا تھا کہ یہ ہمارا سب سے بہترین ٹورنامنٹ ہونے والا ہے۔ یہاں کی انتظامیہ کافی تعاون دیا اور حمایت بھی کی۔

یوگنڈا سے کشمیر گولف کھیلنے آئے کھلاڑی نیسٹا کا کہنا ہے کہ 'کشمیر گولف کے لیے بہترین مقام ہے۔ اُن کا کہنا تھا کہ "میں تیسری بار کشمیر گولف کھیلنے آیا ہوں۔ یہ گولف کا بہترین کورس ہے۔ یہاں کی قدرتی خوبصورتی لاجواب ہے اور یہ میرے پسندیدہ کورسز میں سے ایک ہے۔ یہاں پر مقابلہ ہمیشہ شاندار ہوتا ہے لیکن اس سے زیادہ ضروری ہے کہ آپ کھیل کا مزا لیں۔" نیسٹا کا ماننا ہے کہ وادی کے ٹوری ازم میں لگاتار ہو رہے اضافے کے پیش نظر اُن کے ملک اور دیگر جنوبی افریکی ممالک سے کھلاڑی یہاں گولف کھیلنے آئیں گے۔'

عالمی وبا کورونا وائرس کی وجہ سے دنیا بھر میں زندگی تھم سی گئی تھی اور لوگ اپنے گھروں میں قید ہو کر رہ گئے تھے، وہی کچھ ایسے بھی تھے جنہوں نے وقت کا استعمال کرتے ہوئے نئے ہنر سیکھے۔ انہی میں سے ہیں ڈاکٹر شبنم اور اُن کی سہلیاں۔ ای ٹی وی بھارت کے ساتھ مختصر بات کرتے ہوئے اُن کا کہنا تھا کہ "سنہ 2019 کے آخر سے اور عالمی وبا کے دوران ہم نے اپنے شوہر کے ساتھ گولف کھیلنا شروع کیا۔ دلچسپی بڑھی اور آج اس ٹورنامنٹ میں حصہ لیا ہے۔ کافی اچھا لگ رہا ہے۔'