SSP CID Headquarters Jammu And Kashmir راجیشور سنگھ ایس ایس پی سی آئی ڈی ہیڈکوارٹر تعینات

انتظامیہ نے سپرنٹنڈنٹ آف پولیس، سی آئی ڈی ہیڈ کوارٹر جموں و کشمیر داؤد ایوب کا تبادلہ کرکے انہیں ایس پی ہنداوڑہ تعینات کیا گیا ہے۔

سرینگر:جموں و کشمیر انتظامیہ نے جمعہ کے روز دو آئی پی ایس افسران کا تبادلہ اور تقرریاں کی ہے۔ انتظامیہ کی جانب سے جاری حکم نامے کے مطابق آئی پی ایس افسر راجیشور سنگھ کو ایس ایس پی سی آئی ڈی ہیڈکوارٹر، جموں و کشمیر تعینات کیا ہے۔اس عہدے پر اس سے پہلے آئی پی ایس افسر داؤد ایوب تعینات تھے اور انہیں تبادلہ کرکے ایس پی ہندواڑہ تعینات کیا گیا ہے۔

بتادیں کہ ایس ایس پی کپواڑہ یوگل منہاس اس سے پہلے ہندواڑہ ایس ایس پی کا اضافی چارج سنبھالے ہوئے تھے اور اب انہیں اسے فارغ کیا گیا ہے۔

قابل ذکر ہے کہ جموں وکشمیر پولیس سربراہ دلباغ سنگھ 31 اکتوبر کو ریٹائر ہوئے تھے اور ان کی جگہ پر آر آر سوین کو جموں و کشمیر پولیس کا انچارج سربراہ تعینات کیا گیا۔ وہ اس سے پہلے جموں اور سرینگر میں سینئر سپرنٹنڈنٹ آف پولیس (ایس ایس پی) کے عہدے پر فائز رہ چکے ہیں۔

اس سے پہلے محکمہ پولیس نے ایس ایس پی سرینگر راکیش بلوال، جنہیں حال ہی میں منی پور کیڈر میں واپس بھیج دیا گیا تھا، کو رسمی طور پر ایس ایس پی سرینگر کے عہدے سے ہٹا دیا گیا ہے اور ان کی جگہ آئی پی ایس افسر آشیش کمار مشرا کو تعینات کیا گیا ہے۔

وہیں جی وی سندیپ چکرورتی جو جموں و کشمیر پولیس ہیڈ کوائریٹر میں تعینات تھے، انہیں تبادل کرکے اننت ناگ کے سینئر سپرنٹنڈنٹ آف پولیس،آشیش کمار مشرا کی جگہ پر تعیناتی کیا گیا ہے۔