سرینگر:وادی کشمیر کے میدانی علاقوں میں بدھ اور جمعرات کی درمیانی رات سے بارشوں کا سلسلہ شروع ہوا ہے جبکہ بالائی علاقوں میں چند ایک مقامات پر ہلکی برفباری بھی درج کی گئی ہے۔ محکمہ موسمیات کے مطابق سرینگر میں صبح ساڑھے 8 بجے تک 13.8 ملی میٹر بارش رکارڈ کی گئی۔ وہیں قاضی گنڈ میں 13 .3 ,کپوارہ 13.2 ملی میٹر بارش ریکارڈ کی گئی ۔اسی طرح کوکرناگ میں 10.6 ملی میٹر،گلمرگ میں 16.2 اور بانہال میں 5.4 ملی میٹر بارش درج کی گئی۔ Rains snowfall in Kashmir
بارشوں اور ہلکی برفباری کے نتیجے میں درجہ حرارت میں کمی واقع ہوئی ہے۔سرینگر میں رات کا کم سے کم درجہ حرارت 6.4 ڈگری سیلشیس ریکارڈ کیا گیا۔جبکہ قاضی گنڈ میں7 ڈگری، پہلگام میں 3.2ڈگری سیلشیس، کوکر ناگ کا رات کا کم سے کم درجہ حرارت 5.3 ڈگری سیلشیس ریکارڈ کیا گیا وہیں شہرہ آفاق سیاحتی مقام گلمرگ میں رات کا کم سےکم درجہ حرارت منفی 2 ڈگری سیلشیس درج کیا گیا۔ Mercury Dips in Kashmir