شہر سرینگر سمیت وادی کشمیر کے بیشتر مقامات پر گذشتہ شب سے بارش کا سلسلہ شروع ہوگیا ہے۔
منگل کے روز موسم گرم اور مرطوب رہنے کے بیچ محکمہ موسمیات نے 28 سے 30 جولائی تک مون سون بارش کی پیش گوئی کردی تھی۔
اس دوران شہر سرینگر سمیت وادی کے دیگر مقامات میں بھی 27 اور 28 جولائی کی درمیانی شب سے گرج چمک کے ساتھ بارش کا سلسلہ شروع ہوا۔
محکمہ موسمیات کے ڈائریکٹر نے اپنے بیان میں کہا ہے کہ 27 جولائی سے کشمیر وادی اور جموں صوبے میں عمومی طور آسمان ابر آلود رہے گا اور گرج چمک کے ساتھ ہلکی بارش کا سلسلہ شروع ہوگا جو رواں ماہ کی 30 تاریخ تک جاری رہے گا۔
یہ بھی پڑھیں:Cloudburst: کشتواڑ کے دچھن میں بادل پھٹنے سے 6 افراد ہلاک، درجنوں لاپتہ
اُدھر جموں خطے میں تیز اور موسلادار بارش کا سلسلہ شروع ہونے کی پیش گوئی کی گئی جس کے نتیجے میں خطے کے مختلف علاقوں سے بہنے والے سبھی دریاؤں اور دیگر آبی ذخائر میں پانی کی سطح میں اضافہ ہوا سکتا ہے۔
اس دوران 28 سے 30 جولائی تک کشمیر وادی کے کئی مقامت میں الگ الگ اوقات پر ہلکی یا درمیانہ درجے کی بارش ہونے کا امکان ظاہر کیا گیا ہے جس سے گزشتہ دنوں کی جھلسا دینے والی گرمی سے لوگوں کو کافی حد راحت ملے گی۔
خیال رہے وادی کشمیر میں شدت کی گرمی نے 33 برس کا ریکارڈ توڈ دیا ہے کیونکہ سرینگر میں 3 دہائی سے زائد عرصے کے بعد 26 اور 27 جولائی کی درمیانی رات کا کم سے کم درجہ حرارت 24.6 ڈگری سیلسیش ریکارڈ کیا گیا۔