سرینگر میں آل انڈیا پیپلز نیشنل پارٹی نام کی ایک جماعت نے وادی کشمیر سے ہجرت کرنے والے مہاجر کشمیری پنڈتوں کی واپسی Protest in Favour of Kashmiri Pandits’ Return کی راہ ہموار کرنے کے حق میں احتجاجی ریلی نکالی۔
مہاجر پنڈتوں کی واپسی کے حق میں سرینگر میں احتجاج پیپلز نیشنل پارٹی سے وابستہ کارکنان نے 19جنوری 1991 کو ’’کشمیری تاریخ کا ایک دھبہ‘‘ قرار دیتے ہوئے کشمیری پنڈتوں Kashmiri Migrant Pandits کو واپس کشمیر لائے جانے کے لئے ٹھوس اور سنجیدہ اقدامات کی مانگ کی۔
ذرائع ابلاغ کے نمائندوں کے ساتھ بات کرتے ہوئے پارٹی کارکنان نے کہا کہ ’’کشمیر میں نامساعد حالات کے باعث 19جنوری 1990 کو کشمیری پنڈتوں نے ہجرت کی تھی، تاہم اب ماحول سازگار ہے اور انتظامیہ سمیت مرکزی سرکار کو کشمیری پنڈتوں کو واپس وطن لوٹنے کی راہ ہموار کرنی چاہیے۔‘‘
انہوں نے مزید کہا کہ ’’کشمیر اور کشمیری تاریخ اقلیتی فرقوں خصوصا کشمیری پنڈتوں کے بغیر نا مکمل ہے۔‘‘
انہوں نے مہاجر پنڈتوں سے بھی وطن واپس لوٹنے کی اپیل کرتے ہوئے کہا کہ ’’ہم کشمیری پنڈتوں کی واپسی کے منتظر ہے اور ان کی حفاظت ہماری ذمہ داری ہے۔‘‘
