Daily Wagers Protest In Srinagar مختلف محکموں میں تعینات ڈیلی ویجر اور کیژو ول کارکنان کا احتجاج

مختلف سرکاری محکموں میں تعینات سینکڑوں عارضی ملازمین نے منگل کے روز یہاں پریس کالونی میں جمع ہو کر اپنے مطالبات خاص طور پر نوکریوں کو مستقل کرنے کے مطالبے کو لے کر احتجاج درج کیا۔اس موقع پر پرویز احمد خان نامی ایک احتجاجی نے میڈیا کے ساتھ بات کرتے ہوئے کہا کہ ہمارے مسائل ابھی بھی حل نہیں کئے گئے ہیں اسی لئے ہم ایک بار پھر آج یہاں احتجاج کرنے کے لئے جمع ہوئے ہیں۔Daily Wagers Protest In Srinagar

سری نگر: مختلف سرکاری محکموں میں تعینات سینکڑوں عارضی ملازموں نے منگل کے روز یہاں پریس کالونی میں جمع ہو کر اپنے مطالبات خاص طور پر نوکریوں کو مستقل کرنے کے مطالبے کو لے کر احتجاج درج کیا۔احتجاجی ملازمین جم کر نعرہ بازی کر رہے تھے اور انہوں نے اپنے ہاتھوں میں پلے کارڈس بھی اٹھا رکھے تھے۔Daily Wagers Protest In Srinagar

اس موقع پر پرویز احمد خان نامی ایک احتجاجی نے میڈیا کے ساتھ بات کرتے ہوئے کہا کہ ہمارے مسائل ابھی بھی حل نہیں کئے گئے ہیں اسی لئے ہم ایک بار پھر آج یہاں احتجاج کرنے کے لئے جمع ہوئے ہیں۔انہوں نے کہا کہ ہمارے مطالبوں میں ایس آر او 64 کے تحت نوکریوں کی مستقلی اور منیمم ویجز ایکٹ لاگو کرنا خاص طور پر قابل ذکر ہے۔

ان کا کہنا تھا کہ اگر ہمارے مطالبات کو پورا نہیں کیا گیا تو ہم اپنے بال بچوں سمیت سڑکوں پر آئیں گے۔ موصوف احتجاجی نے کہا کہ ہم بہت ہی کم تنخواہوں پر کام کر رہے ہیں اس کم تنخواہ کو بھی وقت پر واگذار نہیں کیا جاتا ہے۔

انہوں نے کہا: ’ہم اپنے بچوں کو اچھی طرح سے کھلانے پلانے سے قاصر ہیں ان کو اچھے اسکولوں میں داخل کرانے کے متعلق ہم سوچ بھی نہیں سکتے ہیں‘۔

ایک اور احتجاجی نے کہا کہ ہم میں سے کچھ پندرہ بیس برسوں سے کام کر رہے ہیں لیکن آج تک ان کے مسائل کو حل کرنے کی طرف توجہ نہیں دی گئی۔انہوں نے کہا کہ ہماری تنخواہیں بہت حقیر ہیں جس سے ہمارے گھروں کا چولھا جلنا ہر گذرتے دن کے ساتھ ناممکن ہو رہا ہے۔

یو این آئی