سرینگر: پانی کی عدم دستیابی کے خلاف احتجاج

جموں و کشمیر کے شہر سرینگر کے شالپورہ الوچی باغ علاقے میں پینے کے پانی کی قلت کے سبب لوگوں نے محکمہ پی ایچ ای کے خلاف احتجاج کیا۔

شالپورہ الوچی باغ کا الزام ہے کہ محکمہ پبلک ہیلتھ انجینئرنگ (پی ایچ ای) ان کی مصیبتوں کا ازالہ نہیں کر رہا ہے۔ لوگوں کا مطالبہ ہے کہ سرینگر کے متعدد علاقوں میں پانی کی فراہمی کی جائے۔

گڈوڈ باغ حبہ کدال، بسنت باغ گوکدال سری نگر کے رہائشیوں نے بتایا کہ انہیں پچھلےدو ماہ سے پانی کی شدید قلت کا سامنا ہے۔ ان کا کہنا ہے کہ 'محکمہ صحت انجینئرنگ (پی ایچ ای) نے انہیں خدا کے رحم و کرم پر چھوڑ دیا ہے۔ 'کوئی بھی ہمارے دکھوں پر توجہ نہیں دے رہا ہے۔ ہمیں پچھلے دو ماہ سے پینے کا پانی نہیں مل رہا ہے جس کے نتیجے میں زبردست مشکلات کا سامنا ہے۔'

مکینوں کا کہنا ہے کہ ان کے علاقے میں پانی کی قلت کے سبب، انہیں پانی لانے کے لئے دوسرے علاقوں میں جانا پڑا ہے۔ انہوں نے کہا، 'ہم نے بھی محکمہ پی ایچ ای کے عہدیداروں سے رابطہ کیا لیکن بدقسمتی سے اس سلسلے میں کچھ نہیں ہوا ہے۔'