جموں و کشمیر انتظامیہ نے نجی طبی مراکز کے مالکان کو وادی کشمیر میں کام شروع کرنے کی ہدایت دیتے ہوئے کہا کہ تمام احتیاطی تدابیر اور ضابطہ اخلاق پر عمل کرتے ہوئے غیر کووڈ 19 مریضوں کا علاج کیا جانا چاہئے۔
گزشتہ روز انتظامیہ نے وادی میں سرکاری طبی مراکز کو نان کووڈ 19 مریضوں کے علاج کیلئے ضابطہ اخلاق کے تحت شروع کرنے کے احکامات صادر کئے ہیں۔
قابل ذکر ہے کہ کوڈ19 کے پھیلاؤ کو روکنے کیلئے تمام نجی طبی مراکز کو نان کووڈ ۱۹ مریضوں کیلئے لاک ڈاوں کے دوارن بند کیا گیا تھا۔
اگرچہ مریض گھروں میں علاج نہ ملنے کی وجہ سے کئی مشکلات کا سامنا کرتے تھے، تاہم متعدد ڈاکٹروں نے رضاکارانہ طور آن لائن یا فون پر مریضوں کے علاج کا سلسلہ شروع کیا تھا لیکن 4G انٹرنیٹ پر عائد پابندی سے ان کو تجاویز دینے میں کئی دقتوں کا سامنا تھا۔