جموں و کشمیر کی دارالحکومت سرینگر سے تعلق رکھنے والی مشہور فٹ بال پلیئر اور کوچ افشانہ عاشق نے آج فٹ انڈیا پروگرام کے تحت وزیر اعظم نریندر مودی کے ساتھ ویڈیو کانفرنس کے زریعے فٹنس کے بارے میں تبادلہ خیال کیا۔ جس میں ملک کے مشہور فٹنس اشخاص نے شمولیت کی۔
وادی کی بیٹی کا وزیر اعظم کے ساتھ تبادلہ خیال
اس کانفرنس میں بھارتی کرکٹ ٹیم کے کپتان ویراٹ کوہلی کے علاوہ سوامی ابھیندن بھی شامل تھے۔ اس دوران مختلف فٹنس ایکسپرٹ سے تبادلہ خیال کرتے ہوئے وزیراعظم نریندر مودی نے کہا کہ فٹنس سے ہی ہم آگے بڑھ سکتے ہیں۔ ہمیں اپنی اور اپنے پریوار کا خاص خیال رکھنا ہوگا تبھی بھارت آگے بڑھ سکتا ہے اور دنیا میں اپنا لوہا منوا سکتے ہیں۔