'سرینگر میونسپل کارپوریشن بدعنوانی کی آماجگاہ بن چکا ہے'

سرینگرمیونسپل کونسلر و چیئرمین فائنانس اینڈ پلاننگ عاقب رینزوں کی جانب سے ایک پریس کانفرنس کا انعقاد کیا گیا۔

مرکز کے زیر انتظام جموں و کشمیر کے گرمائی دارالحکومت سرینگر میں میونسپل کانسلر، فائنینس پلاننگ عاقب رینزوں نے ایک پریس کانفرنس سے خطاب میں میونسپل کارپوریشن پر الزام عائد کیا کہ' میو نسپل کارپوریشن بدعنوانی کی آماجگاہ بن چکا ہے، جبکہ میونسپل کمشنر بھی یہاں ہونے والی بدعنوانی میں سب سے پیش پیش ہیں'۔

عاقب رینزوں کے مطابق گذشتہ روز میونسپل کارپوریشن میں کمشنر کی زیر قیادت ترقی کے حوالہ سے ایک اعلیٰ سطحی میٹینگ ہوئی تھی جس میں تقریبا محکمہ کے سبھی کونسلروں نے حصہ لیا تھا۔

اس دوران انہوں نے میونسپل کمشنر پر الزام عائد کرتے ہوئے کہا کہ ' مذکورہ کمشنر کی بدعنوانی کے خلاف جب میں نے آواز اٹھانے کی کوشش کی تو کمشنر نے مجھے طمانچہ مارا جو کہ سراسر غنڈہ گردی ہے'۔