Murmu's Visit Kahsmir اکتوبر میں صدر جمہوریہ کا کشمیر دورہ

صدر جمہوریہ ہند دروپدی مرمو رواں ماہ عہدہ سنبھالنے کے بعد پہلی مرتبہ جموں و کشمیر کا دورہ کرنے والی ہیں۔ جہاں وہ مختلف پروگرامس میں شرکت کریں گی۔ A convocation to be held in kashmir university in Srinagar

سرینگر: صدر ہند دروپدی مرمو رواں ماہ کی گیارہ تاریخ کو جموں کشمیر کے دارالحکومت سرینگر میں کشمیر یونیورسٹی کے کانووکیشن کی صدارت کریں گی۔ یہ صدر ہند کا پہلا دورہ کشمیر ہوگا تاہم یہ کشمیر یونیورسٹی کے کانووکیشن تک ہی محدود رہے گا۔ اس کے علاوہ جموں کشمیر کے لیفٹننٹ گورنر منوج سنہا صدر ہند کے ساتھ ملاقات کریں گے اور جموں کشمیر کی صورتحال سے ان کو آگاہ کریں گے۔

کانووکیشن کے اختتام کے بعد صدر ہند کے آمد پر ان کے لئے جھیل ڈل پر ایک بزم کا اہتمام کیا جائے گا جہاں پر میوزیکل شو و دیگر تقریبات منعقد کی جائے گی۔گیارہ اکتوبر کو کشمیر یونیورسٹی کا بیسواں کانووکیشن ہوگا جس میں 53 ہزار طلبا و سکالر کو ان کی تعلیمی اسناد سے نوازا جائے گا۔ اس کے علاوہ اعلی نمبرات حاصل کرنے والے طلباء کو گولڈ مڈل اور دیگر انعامات سے نوازا جائے گا۔ یہ طلباء سنہ 2012 تا 2022 اور 2023 کے مڈ بیچ ہوں گے جنہوں نے اپنی ڈگریاں مکمل کی ہیں۔

کشمیر یونیورسٹی کے رجسٹرار نثار احمد نے بتایا کہ اس اعلی تقریب کے لئے یونیورسٹی نے تیاریاں شروع کر دی ہیں اور طلباء و دیگر شرکاء کو اس تقریب میں شامل ہونے کی اطلاع دی جارہی ہے۔ انہوں نے کہا کہ صدر ہند کنونشن کی صدارت کرے گی اور خطاب بھی کریں گی۔ وہیں جموں کشمیر انتظامیہ نے صدر ہند کے اس دورے کے لئے سیکورٹی و دیگر انتطامی تیاریوں کا آغاز کیا ہے۔