عسکریت پسندوں کے حملے میں زخمی اہلکار کو ہسپتال لے جایا گیا جہاں دوران علاج ان کی موت ہوگئی۔ ہلاک پولیس اہلکار کی شناخت سب انسپکٹر ارشد کے طور پر ہوئی ہے۔
یہ حملہ خانیار پولیس اسٹیشن کے قریب ہوا جب نامعلوم عسکریت پسند آئے اور فائرنگ کرکے فرار ہوگئے۔
اس پوری واردات کے سی سی ٹی وی فوٹیج بھی جاری کردیئے گئے ہیں۔ سی سی ٹی وی فوٹیج میں صاف دیکھا جاسکتا ہے کہ کس طرح نامعلوم عسکریت پسند پولیس اہلکار پر فائرنگ کرکے فرار ہورہا ہے۔ حملہ آور نے بہت ہی قریب آکر پولیس اہلکار پر گولیاں چلائی۔
حملے کے فوری بعد سکیورٹی فورسز نے علاقے کا محاصرہ کرکے تلاشی کارروائی شروع کردی ہے۔ حملے میں ہلاک ہونے والے سب انسپکٹر ارشد کا تعلق شمالی کشمیر کے ہندواڑہ علاقے سے بتایا جارہا ہے۔
