عمران خان کی جلد صحتیابی کے لیے مودی کا ٹویٹ

وزیراعظم نریندر مودی نے اپنے پاکستانی ہم منصب عمران خان کو کورونا وائرس سے جلد صحتیاب ہونے کے لیے نیک خواہشات کا اظہار کیا۔

عمران خان آج مہلک وبا کورونا وائرس سے متاثر پائے گئے، ان کی کورونا کی جانچ مثبت آئی ہے۔

بشکریہ ٹویٹر

ٹویٹر پر وزیراعظم عمران خان کے معاون خصوصی برائے امور صحت ڈاکٹر فیصل سلطان نے تصدیق کرتے ہوئے بتایا کہ عمران خان نے کورونا ٹسٹ کرایا تھا اور ان کا ٹسٹ مثبت آیا ہے جس کے بعد وزیراعظم نے خود کو گھر میں قرنطینہ کرلیا ہے۔

عمران خان نے دو روز قبل ہی کورونا سے بچاؤ کی ویکسین لگوائی تھی۔ اس موقع پر انہوں نے پاکستانی عوام سے اپیل کی کہ کورونا وبا کی تیسری لہر کے پیش نظر ایس اوپیز پر مکمل عمل درآمد کو یقینی بنایا جائے۔