رشتہ داروں کے ساتھ سیر پر گئیں دو لڑکیاں درنگ میں غرقاب

سرینگر شہر کے نواب بازار علاقے سے تعلق رکھنے والی دو لڑکیاں مشہور سیاحتی مقام درنگ میں غرقاب ہو کر فوت ہو گئیں۔

سرینگر سے تعلق رکھنے والا ایک خاندان ٹنگ مرگ، بارہمولہ کے مشہور سیاحتی مقام درنگ کی سیر پر گیا تھا، جہاں چار لڑکیاں مقامی نالے میں پانی کے تیز بہاؤ کے ساتھ بہہ گئیں۔

مقامی باشندوں نے دو لڑکیوں کو بچانے میں کامیابی حاصل کر لی تاہم پانی کے تیز بہاؤ نے دو لڑکیوں کی جان لے لی۔

غرقاب ہوئی لڑکیوں کے جسد خاکی کو بازیاب کر کے انہیں آبائی علاقہ سرینگر پہنچایا گیا۔

سرینگر کے نواب بازار علاقے میں لڑکیوں کا جسد خاکی پہنچتے ہی وہاں کہرام مچ گیا۔