پی ایچ ای ملازمین کا سرینگر میں سراپا احتجاج

جموں و کشمیر کے گرمائی دارالحکومت سرینگر میں محکمہ پی ایچ ای کے ملازمین نے اپنی مانگیں پوری نہ ہونے کے سلسلے میں انتظامیہ کے خلاف احتجاج کیا۔

تفصیلات کے مطابق واٹر ورکرس ڈویژن سرینگر میں کام کررہے ملازمین بشمول ڈیلی ویجرس و کیجول لیبرس نے ملازمین کے ساتھ ہورہی زیادتی کے خلاف زبردست احتجاج کیا۔

اس دوران ملازمین کے ہاتھوں میں پلے کارڈس موجود تھے جن پر نا انصافی نہیں چلے گی، غنڈا گردی نہیں چلے گی کے نعرے درج تھے۔

ای ٹی وی بھارت سے بات کرتے ہوے چیرمین ایسوسیشن سجاد احمد پرے نے ان افسران کے خلاف کارروائی کرنے کا مطالبہ کیا جو ملازمین کے ساتھ ناشائستہ سلوک کر رہے ہیں'۔

انہوں نے کچھ افسران پر الزام عائد کیا 'اپنی زاتی اغراض نیچ مقاصد کےلیے فلٹریشن پلانٹ آلسٹینگ کے ملازمین کو نِت نئے حربوں سے ستارے ہیں، جس کو کبھی بھی برداشت نہیں کیا جائے گا'۔

واضح رہے کہ کچھ دن پہلے فلٹریشن پلانٹ آلسٹینگ میں کچھ ملازمین کے ساتھ افسران نے ناشائشستہ سلوک اور دھمکی دی تھی، جس کے خلاف ملازمین نے اج احتجاج کیا اور ان افسران کے خلاف کاروای کرنے کا مطالبہ کیا۔