پیپلز الاینس کے رہنما کرگل کے دورے پر روانہ

وفد کا مقصد دفعہ 370 کی بحالی کے لئے عوامی حمایت حاصل کرنا اور گپکا علامیہ کو عوام تک پہنچانا ہے۔

پیپلز الاینس فار گپکار ڈیکلریشن کا وفد عمر عبداللہ کی قیادت میں لداخ یو ٹی کے ضلع کرگل کا یک روزہ دورہ کے لئے روانہ ہوچکا ہے جہاں وہ عوام سے دفعہ 370 کی بحالی کے لئے حمایت کرنے کی اپیل کریں گے۔

یہ وفد جمعرات کی علی الصبح سرینگر سے کرگل کی طرف روانہ ہوا۔

اس وفد کی قیادت سابق وزیر اعلیٰ اور نیشنل کانفرنس کے نائب صدر عمر عبداللہ کررہے ہیں جبکہ نیشنل کانفرنس کے صوبائی نائب صدر ناثر اسلم وانی، پی ڈی پی کے جنرل سیکرٹری غلام نبی لون، پی ڈی پی یوتھ صدر وحید پرہ اور عوامی نیشنل کانفرنس کے نائب صدر مظفر شاہ شامل ہیں۔

وفد کا مقصد دفعہ 370 کی بحالی کے لئے عوامی حمایت حاصل کرنا اور گپکار علامیہ کو عوام تک پہنچانا ہے۔
قابل ذکر ہے کہ چھ سیاسی جماعتوں نے وادی میں گزشتہ دنوں 'پیلز الاینس فار گپکار ڈیکلریشن' تشکیل دیا ہے جس میں پی ڈی پی، نیشنل کانفرنس، پیپلز کانفرنس، سی پی آئی ایم، عوامی نیشنل کانفرنس اور جموں و کشمیر پیپلز مئومنٹ اور دیگر چھوٹی پارٹیاں شامل ہیں۔

اس اتحاد کا مطالبہ ہے کہ جموں و کشمیر کی خصوصی حیثیت کو بحال کرنے کے ساتھ ساتھ مسئلہ کشمیر کے پر امن حل کے لیے بات چیت کا عمل شروع کیا جانا چاہئے۔