اگریکلچر محکمہ میں دستیاب مٹر بیچ بازار سے مہنگے

مرکزی سرکار کی جانب سے سبسڈی ختم کیے جانے کے بعد کشمیر وادی میں محکمہ ایگریکلچرل کی جانب سے زمینداروں کو مٹر کے بیج مہنگے کے داموں میں فراہم کیے جارہے ہیں۔

محکمہ کی جانب سے ماہ ستمر اور اکتوبر میں مٹر کے بیچ فراہم کیے جاتے ہیں اور بازار میں 80 روپے تک مٹر انہیں ملتا تھا لیکن ایگریکلچرل محکمہ یہی مٹر 50 روپے میں زمینداروں کو فروخت کرتا تھا۔ لیکن امسال کووڈ 19 کی وجہ سے مرکزی سرکاری نے سبسڈی ختم کر دی ہے اور اب محکمہ زراعت کسانوں کو 165روپے فی کلو حساب سے مٹر فراہم کرتا ہے جو کہ بازار میں 70سے 80 روپے میں دستیاب ہے۔ زمینداروں نے اس صورتحال پر سخت برہمی کا اظہار کیا ہے۔

ایگریکلچرل ڈائریکٹر اعجاز اندرابی نے کہا کہ باہر سے جو مٹر محکمہ کو حاصل ہوتا ہے اس پر سبسڈی ملتی تھی۔ جس وجہ یہاں کے کسانوں کو وہ سستے دام پر مٹر فراہم ہوتا تھا۔

انہوں نے بتایا کہ کووڈ 19 کے باعث مٹر پر سبسڈی کو ختم کیا گیا ہے جس کے نتیجے اب زمینداروں کو بھی یہ مٹر بیچ بغیر سبسڈی ہی فراہم ہونگے۔

انہوں نے کہا اگر کسان بازار سے مٹر سستی قیمت پر بھی خریدنے گے۔ پھر بھی انہیں نقصان ہے کیونکہ وہ معیاری اور اعلی کوالٹی کے بیچ نہیں ہوتے ہیں اور اگر وہ 165 روپے کے حساب سے مٹر محکمہ سے حاصل کریں گے تو وہ بیچ بہتر کوالٹی کے ہوگے۔

واضح رہے کہ اگر زمیندار اس برس محکمہ ایگریکلچرل سے مڑ کے بیچ نہیں حاصل نہیں کریں گے تو محکمہ کے گوداموں میں ہزاروں کوائنٹل مٹر کے بیچ سڑ جائے گے جس سے محکمہ کو بھاری نقصان اٹھانا پڑے گا۔