پیرا میڈیکل طلبہ کا انتظامیہ کے خلاف احتجاج

سری نگر میں پیرا میڈیکل کے طلبہ نے انتظامیہ کے خلاف احتجاج کیا۔ طلبہ کا مطالبہ ہے کہ کورونا وبا کے دوران ہم نے آن لائن امتحانات کرانے کا مطالبہ کیا تھا لیکن امتحانات نہیں کرائے گئے حتیٰ کہ اب جب ساری چیزیں معمول کے مطابق جاری ہیں ایسے میں بھی ہمارے امتحانات نہیں کرائے جارہے ہیں۔

مرکز کے زیر انظام جموں و کشمیر کی گرمائی دارالحکومت سرینگر میں پیرا میڈیکل طلبہ اپنے مطالبات کے پیش نظر انتظامیہ کے خلاف جم کر احتجاج کیا۔

تفصیلات کے مطابق کووڈ-19 وبا کے پیش نظر پیرا میڈیکل طلبہ کا امتحان ملتوی کیا گیا تھا جبکہ اس دوران طلبہ نے آن لائن امتحان دینے کی اپیل کی تھی مگر پچھلے ایک سال سے امتحان نہیں لیا گیا۔

اس دوران طلبہ نے ہاتھوں میں پلے کارڈس جن پر ہمارے ساتھ انصاف کرو کے نعرے درج تھے۔ اس دوران طلبہ نے انتظامیہ سے جلد امتحان منعقد کرانے کی اپیل کی ہے۔