پاکستان نے مقبوضہ کشمیر (پی او کے) میں میرپور، مظفر آباد اور گلگت سے متعلق موسم کی اطلاعات نشر کرنے کے ہندوستان کے فیصلے کو مسترد کر دیا ہے۔
ادھر جمعہ سے سرکاری نشریاتی مرکز دوردرشن اور آل انڈیا ریڈیو نے اپنے پرائم ٹائم نیوز بلیٹنز میں میر پور، مظفرآباد اور گلگت کے موسمی اطلاعات نشر کرنا شروع کیں۔
پاکستان کے دفتر خارجہ نے ایک بیان میں کہا ہے کہ بھارت کی جانب سے گذشتہ سال جاری کردہ نام نہاد سیاسی نقشوں کی طرح یہ اقدام بھی قانونی طور پر کالعدم ہے۔ حقیقت کے برخلاف اور اقوام متحدہ کی سلامتی کونسل (یو این ایس سی) کی قراردادوں کی خلاف ورزی بھی ہے۔
بھارت نے گذشتہ نومبر میں تازہ ترین نقشے جاری کیے تھے جن میں پاکستانی زیر قبضہ علاقہ کو جموں و کشمیر کی یونین ٹریٹری کا حصہ بتایا گیا تھا۔ جبکہ گلگت بلتستان کو لداخ کا حصہ بتایا گیا تھا۔
پاکستان کے دفتر خارجہ نے کہا کہ 'یہ ایک مذموم کوشش ہے اور بھارت کے غیر ذمہ دارانہ سلوک کا ثبوت ہے۔ انہوں نے کہا کہ بھارت کی جانب سے کوئی بھی غیر قانونی اور یکطرفہ اقدام جموں و کشمیر کی حیثیت کو تبدیل نہیں کرسکتا ہے۔'