پی ڈی پی کی صدر محبوبہ مفتی نے کہا ہے کہ پیپلز الائنس فار گپکار ڈکلریشن جموں و کشمیر کے عوام کے جذبات کی نمائندگی کررہا ہے اور وہ اس الائنس میں شامل رہیں گی۔ محبوبہ مفتی نے آج اپنی رہائش گاہ پر پارٹی کے پانچ سینئر لیڈران کی میٹنگ بلائی تھی جس میں انہوں نے اس عزم کا اعادہ کیا کہ پی اے جی ڈی لوگوں کے جذبات کی نمائندہ ہے۔
واضح رہے کہ گذشتہ روز پیپلز الائنس فار گپکار ڈکلریشن کی میٹنگ ہونے والی تھی لیکن محبوبہ کی عدم موجودگی کی وجہ سے میٹنگ کو معطل کیا گیا تھا۔ محبوبہ مفتی کا کہنا تھا کہ وہ ذاتی کام کی وجہ سے اس میٹنگ میں نہیں جاسکی تھیں جس کی وجہ سے اجلاس کو معطل کرنا پڑا۔
'میں پی اے جی ڈی میں ہمیشہ شریک رہوں گی' - mehbooba mufti news
سیاسی ذرائع کا کہنا ہے کہ 24 جون کو دلی میں وزیر اعظم نریندر مودی کے ساتھ 14 سیاسی رہنمائوں کی ملاقات کے بعد پی اے جی ڈی میں رخنہ پڑ گیا ہے۔
!['میں پی اے جی ڈی میں ہمیشہ شریک رہوں گی' PAGD represents the emotions](https://etvbharatimages.akamaized.net/etvbharat/prod-images/768-512-12316010-829-12316010-1625070131148.jpg)
PAGD represents the emotions
تاہم سیاسی ذرائع کا کہنا ہے کہ 24 جون کو دلی میں وزیر اعظم نریندر مودی کے ساتھ 14 سیاسی رہنمائوں کی ملاقات کے بعد پی اے جی ڈی میں رخنہ پڑ گیا ہے۔ اس کی وجہ ہے کہ گپکار الائنس کے شرکا نے دفعہ 370 کے متعلق مختلف نوعیت کے بیانات دیے تھے جس کی وجہ سے پے اے جے ڈی کی میٹنگ میں محبوبہ مفتی نے جانے سے عدم دلچسپی دکھائی ہے۔