'ہماری لڑائی خاندانی راج کے خلاف ہے'

ریاست جموں و کشمیر کے دارالحکومت سرینگر کی پارلیمانی نشست کے لیے کئی سیاسی پارٹیوں کے امیدوروں نے آج بھی اپنے کاغذات نامزدگی جمع کیے۔

اس سلسلے میں پیپلز کانفرنس کے پارلیمانی امیدوار عرفان رضا انصاری نے اپنے کاغذات نامزدگی داخل کیے۔

ان کے ہمراہ پارٹی کے چیئرمین سجاد غنی لون کے علاوہ پارٹی سے وابستہ کئی کارکنان موجود تھے۔

میڈیا سے بات کرتے ہوئے سجاد لون نے کہا کہ ''ہماری لڑائی خاندانی راج کے خلاف ہے جنہوں یہاں کئی برسوں تک راج کرکے عوام کا استحصال کیا اور صرف اپنے جیب بھرے''۔

اس موقعے پر عرفان انصاری نے میڈیا سے بات کرتے ہوئے کہا کہ ''ہمیں پورا یقین ہے کہ لوگ بدلاؤ کے لیے ہمیں ووٹ دے کر کامیاب کریں گے''۔