ہسپتالوں میں آکسیجن کی کمی نہیں: راجن پرکاش

انہوں نے کہا کہ موجودہ صورتحال کے پیش نظر جموں و کشمیر کے سبھی ہسپتالوں میں آکسیجن کی فراہمی کو یقینی بنایا جارہا ہے جبکہ طلب اور ہنگامی صورتحال کی حالت میں اس میں مزید اضافہ کیا جاسکتا ہے۔

پرنسپل سیکرٹری صنعت و حرفت نے کہا ہے کووڈ 19 وبا کی دوسری لہر کی وجہ سے پیدا ہونے والے سنگین چلینج سے نمٹنے کے لئے پوری سرکاری مشینری تیار ہے۔ اس کے علاوہ کورونا وائرس کی روکتھام کے لئے تمام اقدامات بھی موجود ہیں۔ آکسیجن سلنڈروں کا مناسب بفر سٹاک دستیاب ہے اور لوگوں کو گھبرانے کی ضرورت نہیں ہے۔ وہیں انہوں نے کہا کہ جموں و کشمیر میں آکسیجن کی کمی کے سبب ایک بھی مریض کی موت نہیں ہوگی۔

موصوف نے ان باتوں کا اظہار شیر کشمیر انسٹی چیوٹ آف میڈیکل سائنسز صورہ میں آکسیجن کنسٹریشن سینٹر اور آکسیجن سلنڈروں کا بفر سٹاک اور کووڈ مریضوں کے لئے بستروں کی فراہمی کا جائزہ لینے کے دوران کیا۔

انہوں نے کہا کہ موجودہ صورتحال کے پیش نظر جموں و کشمیر کے سبھی ہسپتالوں میں آکسیجن کی فراہمی کو یقینی بنایا جارہا ہے جبکہ طلب اور ہنگامی صورتحال کی حالت میں اس میں مزید اضافہ کیا جاسکتا ہے۔

اس موقعے پر ڈائریکٹر سکمز اے جی آہنگر نے کہا کہ ہسپتال میں کوروناوائرس مریضوں کے لئے 260 بستر مخصوص رکھے گئے ہیں اور اس وقت اہسپتال میں 156کورونا متاثرہ مریض داخل ہیں۔ انہوں کہا کہ سکمز صورہ میں آکسیجن کی موجودہ کھپت کی شرح 3.93 لاکھ لیٹر فی گھنٹہ ہے اور آکسیجن کی اضافی مطلوبہ مقدار 1.5 لاکھ لیڑ فی گھنٹہ ہے۔