سردی کی واپسی، شبانہ درجہ حرارت نقطہ انجماد سے نیچے

کشمیر میں قاضی گنڈ سرد ترین مقام رہا جہاں کم از کم درجہ حرارت منفی 5.5 ڈگری درج کیا گیا۔

گزشتہ شب وادی کشمیر اور لداخ میں شبانہ درجہ حرارت نقطہ انجماد سے نیچے رہا، جسکی وجہ سے خطہ میں سردی کی لہر میں دوبارہ اضافہ ہوا۔

کچھ روز میں اگرچہ شبانہ درجہ حرارت میں بہتری آئی تھی لیکن گزشتہ شب درجہ حرارت میں دوبارہ گراوٹ دیکھنے کو ملی۔

محکمہ موسمیات کے مطابق آئندہ 48 گھنٹوں کے دوران موسم خشک رہنے کا امکان ہے جس سے سردی کی شدت میں اضافہ دیکھنے کو ملے گا۔

کشمیر میں قاضی گنڈ سرد ترین مقام رہا جہاں کم از کم درجہ حرارت منفی 5.5 ڈگری درج کیا گیا۔

گرمائی دار الحکومت سرینگر میں منفی 2 ڈگری درج کیا گیا جبکہ سیاحتی مقام گلمرگ میں درجہ حرارت 2.5 ڈگری رہا۔

ادھر جموں میں 8.5 ڈگری درجہ حرارت رہا۔